|
||||||
|
|
||||||
|
Cabdiyow wadeeciyo adduun way ka bixi waaye Walbahaarka waan kula qabaa wahanna ii dheere Aniguba wax badan baan laqwiyay waalli iyo qooqe Fircoonkii wasiilada janada waadiyada jeexday Waarsiino abiduu jeclaa waase noloshiiye Rag kalaa waraytad ugu hadhay waxaddii xoolaade. Wedku kama ajoon Nebiyadii inaga weynaaye Nafle Aadan kama wiil badnayn waase kii dilaye Waxyi looma soo rogin Jibriil waagii dabadeede. Hal la weriyey shiikh iyo wadaad waracadii diinta Culimadu warkay sheegtay iyo waanadaa dhabahe Wacdi nooma laabnee naftuunbaa weleftay shaydaane. Wajaq cudur warraaq meleg haddaan wilig idhaa caawa Isaguba khalqiga waw wakiil oo waanu nixihayne Weji qadab leh weedh kulul hadduu xaqa I waydiiyo Allahayoow walaacaan qabiyo waali-nimadaada Waayaha I haystiyo dambiga weelasha I buuxshay Horay weranweryadu noogu timi waaqladuu yahaye Wanna-kiirka geerida godakaan weyd ka khoof ahaye. Waxshigii qubuuraha intaad nooga wehel yeesho Eebow waclada haygu gubin waaqidka cadaabta. Maantaan waxuushtuna maqnayn waxad intaad uuntay ee uunku wada waaqif yahay wacadka meecaadka Gaalada wabiinka ah haddii loo waddiyo naarta Muslim inuu ku wiirsado adaw wacay dharaartaase Wasti malaha diintiyo kufriga wax u dhexeeyaaye miisaanka inaan waafi noqon waazinka xisaabta Oon waladul khayr noqon haddii weyne iga yeelo Iyo inaan wallaabida ku dhici wayluntiyo hoogga Weecaanya Khaatumo waxay noqon waraaqdaydu Waafaqada jeer aan hubsado waan werwerayaaye Warna ma hayo gees ay arini ii wacaal bixiye Marka inaan naftayda u walgamo aakhiraa wacane Waslad maniya baan ahoon woofin cahadkiiye Weecaanta khaatumo waxay noqon waraqqdaydu Wadadii xajkii iyo intaan wadan ka gaadhaayo Weysaysi baa iila gudboon wudu' salaadeede Wakhtiga maan tukado geeridaa waajiboo xigiye |
||||||
|
|
||||||
|
|
||||||
|
|
||||||
|
|
||||||
|
||||||
|
