GUBA
Qamaan Bulxan, (OG)

Gabaygan wuxuu Qamaan Ugu jawaabay Cali Dhuux oo bilaabay tixda GUBA la baxday.

Caliyoow dabuubtaadi gabay daayinkaa wadaye
Dabaylaha xagaagee dafliyo daafigaa sidaye
Noo dooji doogiyo sidii dararta xolaaye
diirkiyo laftuu xulay hadduu hadal wax daaweyne

Dadkana uma sinnee reer tolkay dacar ku nooleeye
daaraan garbaha qoon kulaad damaqday Dhuuxoowe
Dibirrooti buu dhacay raggaad daabaqadiseene

Waa gobol dillaacidiyo ciil dibinta ruugaaya
Iyo gobol runduda oo fadhiya dagada weeyaane
Dib u joogso waan kula dacwiyi doodna waan odhane

Dab baad ololisaa kumano gubo daa'in abidkaaye
Intaad dogob shiddaabaad taqaan dirdirayn jaane
Daadkaad fadhido sow gubee degelkan qiiqaabi

Haddayse daacad xaajadu tahoon lagu denbaabaynin
Danbaaburada naareeed haddaan dhinacu doonaynin
Seeddoow maxaad noogu digan dakharku waa kiinne

Gormayse degmadu noo zzzz dawgalbaa jirae
Daldhahsiga danaasaca la mood dawr inaan ahaye
IS dalleemintaydaa ninkii dagani eedaaye

Dubihii ku dhacay Ina Barwaaq dagi ad maysaane
Daaduunka caydheed raggaa debedda meeraaya
Docmo iyo Hartaa lagu ogaa dalawadoodiiye

Cali Gerigaa Daadhiib shalay naga durduurteene
Waa kaa dafriyey caanihii dagiyo Heemaale
Anna waxan dibiray waa dagaag dayrar soo xulaye

Nimay gacantu daabura tiqiin deri hadduu daayo
Uu yara dalleensado intii ducasan loo yeelo
Danban maayo waagay xubnuhu yara dubaaxshaane

Inaad deysid beel dagan adaan dani ku seetaynin
Dabcigeedba yaa kugu yiqiin digasho mooyaane

Hadday debecdo waw hiilisaa doqon walaalkeede
Diiftiyo ushay gacan intaa dayada haysaane
Dunna hadaanad ii tarin maxaad iigu dana sheegan

Duunyada fardood maalintaad deleb ku qaadaysey
sidii duul Amxaara ah markaad nagu dabraynaysey
Intaad haatan ii laba dublayn muu damqado jiidhku

Daarood Ismaaciil ahaan hilibku muu diiro
Daabaca ninkii kugu dhuftee daabka kuu celiya
Iyo kii duleesheey ku yidhi wax isma doorshaane

Dakanadayda yaa kaa xigaad igu danayn haatan
Aar soo dibjirey neef hadduu daacuftii geliyo
Uu kaga dig siiyuu ilkaha dhiigga kaga daadsho
Dugaaggaa yaryari sowka cuna duugga hadhay maaha

Aday dilaye goormaa Isaaq Doollo iga qaaday
Maxaa libinta Daarood lahaa dabacayuun siiyey
Hadday Dubaxul uga heesayaan dacarba waan siine

Miyey haatan daab iyo ul iyo kaga cabbaan dawlis
Dusha daalis oo dibi dhaloon loo danbarinaynin
Oo kii lahaa diideybay sidig ka doontaaye
Kuwan derisnay dooxeer haddaan sebenka daduunsho

Waxa adiga duug kaaga noqon yayga degi waayey
Gabdhaha doonnan dadabtan dhisniyo xidid dariiqaynta
Kuwaan dihannay diricay dhaleen waa dareeemadae
Muslinka hayga didin yaan ibleeys dawyo kaa ridine

Darka jabay dilaalkio dhulkuu dabadku meeraayo
Deeqii Illaahay halkuu xuliyey daadkiisa
Ii daa dugaag iyo Hartay igaga deyraanne

Iidoor Dir weeyee hadduu duulan soo kiciyo
Dunji Habar Magaadluhu hadduu dabarka soo gooyo
Dunbuq iyo rasaastana hadduu debecsanuu siiyo

Horta yaa la da'a wayla yaab dawyadaad xuliye
Ogaadeen ka daan iyo ka daan doolo soo gudubye
Diinkaan akhriyey way imaan dooy raggii jiraye
Dunji maalintaa waxad qabtaan waan u daahirinne

Ma demmaniye deynkayga waan dabagelaayaaye
Idinkuba darkii Caynabaa deris ku taalline
Dagaallama nindoorkii la laa duubcaddii Hagare
Ama na daaya waa wada qabnaa daawashiyo ceebe

Caliyoo da'daan ahay waqaa looma duurxuloe
Duq gaboobey iyo wiil yarbaa loo dedaa hadale
Diirkaan ka garan xaajadaa dabaqa saarteene
Ma dumaalo naaguhu ninkay nolol ku dayrshaane

Nin walaalki doorsaday ilaah derejo siin waaye
Dalkaad Ina adeerkaa dhigtaad weli degeysaaye
Baadida ninbaa kula deydeyi daalna kaa badine

Oon doonahayn inaad heshana daayin abidkaaye
Dadkuna moodi duul wada dhashon wax u dahsonayn
Dilla malaha  aakhiro haddii loo kitaab dayoe

DIlaal iyo malaal wuxuba waa carabta deynkoode
Dibnihiinna uunbaan galay oo way dudubiseene
Allay diliye Iidoor adaa iiga sii darane

Previous     Top      Next